Blwyddyn 9

YGGLLAN: Diffyg Pwer – Ysgol ar gau i ddysgwyr, Dydd Llun 9/12/2024

8th December 2024

Yn anffodus bydd yr ysgol ar gau ar ddydd Llun 9fed o Ragfyr yn sgil diffyg pŵer yn yr ardal. Yn ôl gwefan y Grid Cenedlaethol bydd y pwer yn dychwelyd erbyn 18:00 ar nos Lun ac felly byddwn yn monitro’r sefyllfa gan obeithio y byddwn ar agor fel arfer ar ddydd Mawrth. Ymddiheurwn ond mae’n bosib bydd hwn yn cael effaith ar ein system ffon yn ystod y dydd yfory. Gofynnwn bod dysgwyr yn parhau gyda’r gwaith sydd gennyn nhw i’w gwblhau dros Teams/Classrooms.

Disgo Calan Gaeaf

18th October 2024

 

Ar brynhawn dydd Gwener nesaf (25/10/24) mi fydd blynyddoedd 7, 8 a 9 yn cael y cyfle i ddathlu diwedd hanner tymor gyda disgo calan gaeaf!

Mi fydd croeso i ddysgwyr wisgo i fyny mewn gwisg ffansi ar gyfer y disgo ble fydd gwobrau ar gyfer y gwisgoedd gorau ar draws y flwyddyn! Mae gofyn iddynt ddod i’r ysgol mewn gwisg ysgol a mi fydd amserlen newid yn cael ei rannu gyda dysgwyr yn ystod yr wythnos.

 

Rydym ym gofyn i chi dalu £2 ar School Gateway a fydd yn mynd tuag at elusennau yr ysgol.

 

Mi fydd dysgwyr y chweched dosbarth yn cynnal siop losin i godi arian tuag at eu prom diwedd blwyddyn felly gofynnwn i ddysgwyr dodd â arian parod i mewn i’r ysgol!